Nga ideja në realitet – po ndërtohet sistemi i grumbullimit të ujit të shiut në Komoran!
Në kuadër të projektit “Shi për Qëndrueshmëri”, po ndërtohet sistemi për mbledhjen dhe ripërdorimin e ujërave të shiut në shkollën “Xheladin Gashi – Plaku”, Komoran.
Ky sistem do të mundësojë grumbullimin, filtrimin dhe ruajtjen e ujit të shiut, i cili do të përdoret për mirëmbajtjen e gjelbërimit dhe hapësirave të shkollës, si dhe nga njësia e zjarrfikësve dhe kompania e pastrimit për nevoja publike.
Një shembull praktik i mënyrës se si çdo pikë shiut mund të kthehet në burim jete dhe mësimi 
Ky projekt mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).
