Kur rinia bashkohet për mjedisin, ndryshimi bëhet i mundur!
Këtë javë, në kuadër të projektit “Fuqizimi i Edukimit mbi Klimën”, të mbështetur nga Zyra e Bashkëpunimit Zviceran në Kosovë, patëm kënaqësinë të punojmë me eko-klubet e dy shkollave të mesme në Drenas.
Gjatë trajnimeve, nxënësit mësuan më shumë rreth ndryshimeve klimatike dhe mënyrës së shkrimit të projekteve mjedisore, duke sjellë ide konkrete dhe kreative për komunitetin.
Fryma pozitive, energjia dhe dëshira e tyre për të vepruar na motivojnë të besojmë se Kosova mund të ketë një të ardhme më të pastër dhe më të qëndrueshme.
Falënderojmë nxënësit, mësuesit dhe partnerët për angazhimin e tyre – së bashku po ndërtojmë një të ardhme më të gjelbër për vendin tonë! 
