Sot, në SHFMU “Rasim Kiçina” Drenas, organizuam një aktivitet ndërgjegjësues kushtuar Ditës së Mjedisit, e cila këtë vit mbahet nën temën “Të frymëzuar nga natyra. Për klimën. Për të ardhmen tonë” – një thirrje globale për veprim ndaj ndryshimeve klimatike.
Së bashku me nxënësit diskutuam për një nga sfidat më të mëdha të kohës sonë – ndryshimet klimatike dhe pasojat e tyre te resurset ujore. Në qendër të diskutimit ishin vërshimet, një dukuri që e ndjemë nga afër edhe këtë vit në qytetin tonë, Drenas. Ky shembull real na kujtoi se ndryshimet klimatike nuk janë diçka e largët, ato po prekin drejtpërdrejt jetën dhe mjedisin ku jetojmë.
Përmes këtij aktiviteti synuam të ngrisim vetëdijen se mbrojtja e mjedisit fillon nga secili prej nesh. Sepse e ardhmja e planetit varet nga vendimet dhe veprimet që ndërmarrim sot. 
Faleminderit të gjithë nxënësve, stafit të shkollës dhe Eko Grupit të shkollës, të udhëhequr nga prof. Blerim Dvorani, për angazhimin, përkushtimin dhe energjinë pozitive që sollën në këtë aktivitet! 
Ky projekt mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).
#CEDE#IWRMKosovo#SKAT#Watermanagementkosovo#WorldEnvironmentDay
