Me mbështetjen e Programit IWRM-K dhe të udhëhequr nga Autoriteti i Rajonit te Pellgjeve Lumore (ARPL), takimi konsultativ i MPSHP-së për Pellgun Lumor Iber mblodhi përfaqësues nga komunat, kompanitë rajonale të ujësjellësit, sektori minerar, organizatat e shoqërisë civile, fermerët, akademia dhe partnerët zhvillimorë për të diskutuar sfidat dhe prioritetet kryesore të menaxhimit të ujërave në pellg.
Një pjesë qendrore e takimit ishte konsultimi i Raportit për Çështjet e Rëndësishme të Menaxhimit të Ujërave (ÇRMU), i cili shërbeu si bazë për diskutimet mbi presionet ndaj ujërave, ndikimet sektoriale dhe masat e nevojshme për një menaxhim më të qëndrueshëm dhe të koordinuar të ujërave.
Përmes dialogut të hapur dhe angazhimit aktiv të palëve të interesit, takimi kontribuoi në forcimin e pjesëmarrjes dhe sigurimin që Planet e Menaxhimit të Pellgjeve Lumore të pasqyrojnë prioritetet lokale, nevojat sektoriale dhe përgjegjësitë e përbashkëta për mbrojtjen e burimeve ujore. 
