Jemi të lumtur t’ju njoftojmë se CEDE është përzgjedhur si partner zbatues në kuadër të programit Menaxhimi i Integruar i Resurseve Ujore në Kosovë – IWRM-K (Faza 2), të financuar nga Qeveria Zvicerane dhe të implementuar nga Skat Consulting Ltd.
Ky projekt do të fokusohet në:
Përdorimin e ujit të shiut për shkolla dhe institucione publike,
Mbështetjen e zjarrfikësve dhe kompanive komunale në intervenime dhe mirëmbajtje,
Edukimin dhe vetëdijesimin e komunitetit për menaxhimin e qëndrueshëm të burimeve ujore,
Ndërtimin e një modeli që mund të replikohet nga komuna të tjera në Kosovë.
Projekti do të zbatohet në Komunën e Drenasit përgjatë një periudhe njëvjeçare dhe synon të ofrojë një zgjidhje praktike dhe të qëndrueshme për sfidat që lidhen me ujin në infrastrukturën publike.
Ky projekt mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga Skat Consulting Ltd. (Zvicër) në konsorcium me Agjencinë Austriake të Mjedisit (EAA).
