Edhe në Ferizaj sot u përmbyll seria e trajnimeve për profesorët e shkollave të mesme të larta në 4 Modulet mjedisore të hartuara në kuadër të projektit Ndikimi i Rinisë në Mjedis YENI. 
Pas Modulit të parë, Hyrje në Ndryshimet Klimatike; Modulit të dytë, Mjete Mësimore rreth Ndryshimeve Klimatike dhe Modulit të tretë, Fuqizimi i Rinisë në Aktivizmin Mjedisor, profesorët e shkollave nga Ferizaj,Vitia dhe Hani i Elezit, u trajnuan edhe në Modulin e fundit: Përfshirja e Rinisë në Planet Lokale të Veprimit në Mjedis. Me këtë rast ata u certifikuan për të katër modulet. 
