Sot në SHFMU “ Xhevë Lladrovci” Gllanasellë zhvilluam një aktivitet edukativ me nxënësit për ujin, ndotjen e tij dhe mënyrat se si mund ta ruajmë çdo ditë.
Përmes bisedës dhe aktiviteteve praktike, nxënësit mësuan më shumë për gjendjen e ujërave në Kosovë, si ndotet uji dhe çfarë mund të bëjnë ata në shkollë, në shtëpi dhe në komunitet për ta kursyer dhe mbrojtur atë. 
Gjatë aktivitetit, nxënësit realizuan edhe punime të ndryshme kushtuar ujërave dhe tokës, duke shprehur në mënyrë kreative rëndësinë e mbrojtjes së natyrës dhe kujdesit ndaj mjedisit. 
Në fund, aktiviteti u përmbyll me mbjelljen e disa drunjve në hapësirat e shkollës, si një hap i vogël por i rëndësishëm për një mjedis më të pastër dhe më të gjelbër. 
Falënderojmë përfaqësuesit e IWRM-K që ishin pjesë e aktivitetit, si dhe SHFMU “Xhevë Lladrovci” për bashkëpunimin dhe mikpritjen. 
Ky aktivitet mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i zbatuar nga SKAT (Zvicër) në konsorcium me Agjencinë Austriake të Mjedisit (EAA).
