Pas ngritjes së kapaciteteve dhe njohurive të të rinjve të fituara nëpërmjet aktiviteteve në kuadër të projektit YENI në shkollën IAAP “Zenel Hajdini” Ferizaj erdhi koha të inaugurojmë projektin e shkruar dhe zbatuar nga anëtarët e eko klubit të kësaj shkolle. 
Nëpërmjet një kombinimi të mirë të aktiviteteve të rinjtë aktivizmin e tyre ndaj ndryshimeve klimatike e filluan duke mbjellur mbi 150 fidaneve të ndryshme në oborrin e shkollës së tyre. Kjo i kontribuon zbutjes së efekteve të ndryshimeve klimatike dhe mbrojtjes së mjedisit. Mbi të gjitha rritë entuziasmin e të rinjve për mundësi të ngjashme për të kontribuuar në një të ardhme të qëndrueshme mjedisore.
Shprehim mirënjohjen tonë të përzemërt për të gjithë ata që kanë kontribuar me kohën, energjinë dhe burimet e tyre për ta bërë këtë projekt realitet. 
Le të vazhdojmë t’i inkurajojmë të rinjtë të rrisin aktivizmin e tyre mjedisor si dhe që këto ndryshime ekstreme të motit që po ndodhin të shoqërohen edhe me ndryshime ekstreme të sjelljeve individuale të secilit prej nesh kundrejt ndryshimeve klimatike.
Së bashku, ne mund të ndërtojmë një të ardhme më të mirë dhe më të qëndrueshme për brezat që do të vijnë. 
